విజయ్ వర్సెస్ అదానీ.. తమిళనాడులో 20వేల కోట్ల డీల్ క్యాన్సిల్..!

తమిళనాడు రాజకీయాల్లో సరికొత్త సంచలనం నమోదైంది. సీ. జోసెఫ్ విజయ్ నేతృత్వంలోని కొత్త ప్రభుత్వం అత్యంత కీలకమైన నిర్ణయాన్ని ప్రకటించింది. రాష్ట్రంలో భారీ ఎత్తున చేపట్టాలని భావించిన రూ.20,000 కోట్ల అదానీ స్మార్ట్ మీటర్ల ప్రాజెక్టును పూర్తిగా విరమించుకుంటున్నట్లు వెల్లడించింది. సోషల్ మీడియా వేదికగా ఈ వార్త ఇప్పుడు విపరీతంగా వైరల్ అవుతోంది. సరికొత్త పవర్ పొలిటిక్స్ నడుస్తున్న తరుణంలో విజయ్ తీసుకున్న ఈ బిగ్ డిసిషన్ దేశవ్యాప్తంగా హాట్ టాపిక్‌గా మారింది. ఈ ప్రాజెక్ట్ రద్దు వెనుక ఉన్న అసలు వాస్తవాలను పరిశీలిస్తే ఆసక్తికరమైన అంశాలు వెలుగులోకి వస్తున్నాయి. గతంలో ఉన్న డీఎంకే (స్టాలిన్) ప్రభుత్వమే అదానీ టెండర్లను తిరస్కరించినట్లు తెలుస్తోంది. అప్పట్లో కోట్ చేసిన ధరలు చాలా ఎక్కువగా ఉండటంతో పాటు అంతర్జాతీయంగా వచ్చిన ఆరోపణల నేపథ్యంలో స్టాలిన్ ప్రభుత్వం ఆ టెండర్లను రద్దు చేసింది. అయితే ఇప్పుడు అధికారంలోకి వచ్చిన విజయ్ సర్కారు మరో అడుగు ముందుకు వేసి మొత్తం స్మార్ట్ మీటర్ ప్రాజెక్టును పూర్తిగా స్క్రాప్ చేయడం విశేషం. మొత్తం 82 లక్షల స్మార్ట్ మీటర్లను ఏర్పాటు చేయాలనే ప్రతిపాదనను విజయ్ ప్రభుత్వం పక్కన పెట్టింది. ఈ నిర్ణయానికి ప్రధానంగా ఆర్థిక భారం, ఉచిత కరెంట్ ఖర్చులు పెరగడమే కారణమని అధికార వర్గాలు స్పష్టం చేస్తున్నాయి. భవిష్యత్తులో ఎలాంటి అవకతవకలకు తావు ఉండకూడదనే ఉద్దేశంతోనే ఈ కఠిన నిర్ణయం తీసుకున్నట్లు సమాచారం. ప్రజల ఖజానాపై అదనపు భారాన్ని తగ్గించడమే లక్ష్యంగా విజయ్ ఈ అడుగు వేసినట్లు స్పష్టమవుతోంది. ఈ నేపథ్యంలో విజయ్ తీసుకున్న నిర్ణయంపై రాజకీయంగా విభిన్న అభిప్రాయాలు వ్యక్తమవుతున్నాయి. ప్రజల సొమ్మును వృథా కాకుండా కాపాడేందుకే ఈ ప్రాజెక్టును నిలిపివేసినట్లు విజయ్ మద్దతుదారులు బలంగా సమర్థిస్తున్నారు. ఇది పూర్తిగా ప్రజల శ్రేయస్సు కోరి తీసుకున్న నిర్ణయమని వారు కొనియాడుతున్నారు. కొత్త ప్రభుత్వం మొదటి నుంచీ పారదర్శకతకు ప్రాధాన్యం ఇస్తోందని, అందులో భాగమే ఈ రద్దు ప్రకటన అని వారు చెబుతున్నారు. మరోవైపు విపక్షాలు ఈ నిర్ణయాన్ని తీవ్రంగా తప్పుబడుతున్నాయి. ముఖ్యంగా బీజేపీ వంటి పార్టీలు విజయ్ సర్కార్ అడుగులపై తీవ్ర విమర్శలు గుప్పిస్తున్నాయి. స్మార్ట్ మీటర్ల ప్రాజెక్టును రద్దు చేయడం వల్ల తమిళనాడు రాష్ట్రం భారీగా నష్టపోతుందని వారు హెచ్చరిస్తున్నారు. కేంద్ర ప్రభుత్వం నుంచి వచ్చే ప్రతిష్టాత్మక గ్రాంట్లను కోల్పోయే ప్రమాదం ఉందంటూ విపక్ష నేతలు సోషల్ మీడియా వేదికగా ఫైర్ అవుతున్నారు. ఈ భారీ ప్రాజెక్ట్ రద్దుతో తమిళనాడు రాజకీయాలు ఒక్కసారిగా హీటెక్కాయి. ఒకవైపు అదానీ ప్రాజెక్ట్‌ను తిరస్కరించడం, మరోవైపు కేంద్ర గ్రాంట్లపై విపక్షాల కౌంటర్లు నడుస్తున్నాయి. దీంతో ఈ ఇష్యూ జాతీయ స్థాయిలో పెద్ద ట్విస్ట్‌గా మారింది. రాబోయే రోజుల్లో విజయ్ సర్కార్ ఈ విమర్శలను ఎలా తిప్పికొడుతుందో చూడాలి. ఫలితంగా తమిళనాడు పవర్ పాలిటిక్స్ ఇప్పుడు సరికొత్త మలుపు తిరిగాయని చెప్పవచ్చు.