వైభవ్ సూర్యవంశీ ఆగ్రహం.. లంక ఆటగాడితో తీవ్ర వాగ్వాదం!

దంబుల్లా వేదికగా జరిగిన మ్యాచ్‌లో తీవ్ర ఉత్కంఠ నడుమ శ్రీలంక ‘ఎ’ జట్టు విజయం సాధించింది. ఈ మ్యాచ్ సూపర్ ఓవర్‌లో 17 పరుగుల లక్ష్యాన్ని డిఫెండ్ చేసుకుని లంక జట్టు గెలిచింది. కుగతాస్ మథులన్ అద్భుతంగా మూడు యార్కర్లు వేసి వైభవ్ సూర్యవంశీ మరియు సూర్యాంశ్ షెడ్జ్‌ను కట్టడి చేశాడు. ఈ క్రమంలో భారత జట్టు కేవలం 9 పరుగులు మాత్రమే చేసి ఓటమి చవిచూసింది. మ్యాచ్ ముగిసిన తర్వాత మైదానంలో ఒక సంచలనమైన ఘర్షణ వాతావరణం చోటుచేసుకుంది. శ్రీలంక ఆటగాళ్లు తమ విజయాన్ని ఉత్సాహంగా సెలబ్రేట్ చేసుకుంటున్న సమయంలో ఈ సంఘటన జరిగింది. అదే సమయంలో భారత ఆటగాళ్లు వైభవ్ సూర్యవంశీ, షెడ్జ్ తీవ్ర నిరాశతో పెవిలియన్ వైపు నడుచుకుంటూ వెళ్తున్నారు. అప్పుడే లంక ఆటగాడు ఒకరు భారత బ్యాటర్లను కెలికే ప్రయత్నం చేశాడు. శ్రీలంక ఆటగాడు విషెన్ హలంబాగే మరియు జెర్సీ నంబర్ 76 గల మరో ఆటగాడు భారత ఆటగాళ్ల వైపు వచ్చారు. హలంబాగే భారత ఆటగాళ్లను ఉద్దేశించి "మ్యాచ్ ముగిసింది... ఇప్పుడు ఇంటికి వెళ్లు" అంటూ ప్రొవోకేటివ్ కామెంట్స్ చేశాడు. దీంతో పాటు అతడు చప్పట్లు కొడుతూ, వైభవ్ వైపు ఛార్జింగ్ లాగా దూసుకువస్తూ తీవ్రంగా రెచ్చగొట్టాడు. ఈ మాటలు విన్న వైభవ్ సూర్యవంశీ తీవ్ర ఆగ్రహంతో వెనక్కి తిరిగి లంక ఆటగాడితో వాగ్వాదానికి దిగాడు. ఈ క్రమంలోనే మరో బ్యాటర్ సూర్యాంశ్ షెడ్జ్ సైతం తన బ్యాట్ చూపిస్తూ గట్టిగా కౌంటర్ ఇచ్చాడు. కోపం తట్టుకోలేకపోయిన వైభవ్, లంక ప్లేయర్ హలంబాగేను తన చేతులతో బలంగా వెనక్కి నెట్టేశాడు. దీంతో మైదానంలో ఒక్కసారిగా తీవ్ర ఉద్రిక్తత నెలకొంది. ఈ ఘర్షణ పెద్దది కాకుండా శ్రీలంక సీనియర్ ఆటగాడు నీరోషన్ డిక్వెల్లా త్వరగా మధ్యలోకి జోక్యం చేసుకున్నాడు. ఫలితంగా డిక్వెల్లా ఇరు జట్ల ఆటగాళ్లను వేరు చేసి గొడవను సర్దుమణిగేలా చేయగలిగాడు. ఈ నేపథ్యంలో వైభవ్ ఇంకా కోపంగా సైగలు చేస్తూనే మైదానం నుంచి పెవిలియన్ వైపు నడిచి వెళ్ళిపోయాడు. ఇదిలా ఉండగా, సూపర్ ఓవర్ సమయంలోనూ నో-బాల్ డ్రామా, లైట్ సమస్యలు, తిలక్ వర్మ వాదనతో టెన్షన్ ఎక్కువగా ఉంది. వీడియోల ప్రకారం శ్రీలంక వైపు నుంచే ప్రొవొకేషన్ మొదలైనప్పటికీ, వైభవ్ శారీరకంగా నెట్టడం వివాదాస్పదమైంది. ప్రస్తుతం ఈ చిన్న ఘర్షణపై ఐసీసీ లేదా మ్యాచ్ రెఫరీ ఎలాంటి అధికారిక చర్యలు ప్రకటించలేదు.