మీ సీఎం సీటు కింద నీరు రాకుండా చూసుకోండి: కల్వకుంట్ల కవిత

తెలంగాణలో జనసేన పార్టీని విస్తరించాలని చూస్తున్న ఏపీ డిప్యూటీ సీఎం పవన్ కల్యాణ్ ప్లాన్ పై బీఆర్ఎస్ నేత కల్వకుంట్ల కవిత తీవ్రస్థాయిలో మండిపడ్డారు. జూన్ 2వ తేదీన హైదరాబాద్ వేదికగా తెలంగాణ నవనిర్మాణ సంకల్ప సభ నిర్వహించాలని జనసేనాని భావిస్తున్నారు. పవన్ కల్యాణ్ తెలంగాణ నవనిర్మాణానికి సభ పెడతారంట అంటూ కవిత ఎగతాళి చేశారు. పవన్ గారు, లోకేష్ గారు మీ అమరావతిలో ముఖ్యమంత్రి సీటు కింద నీరు రాకుండా చూసుకోండి అంటూ ఆమె ఘాటు వ్యాఖ్యలు చేశారు. ఈ ప్రకటనతో తెలుగు రాష్ట్రాల్లో సరికొత్త రాజకీయ చర్చ మొదలైంది. ఏపీ రాజధాని అమరావతి క్యాపిటల్ సైట్ లో ఎదురవుతున్న వరద, డ్రైనేజీ సమస్యలను కవిత ప్రత్యేకంగా ప్రస్తావించారు. అమరావతి పరిధిలోని కొండవీటి వాగు వంటి వరద సమస్యలను ముందుగా పరిష్కరించుకోవాలని ఆమె సూచించారు. మీ సొంత ఇంటి పనులను ముందుగా చూసుకోవాలంటూ పవన్ కల్యాణ్, లోకేష్ లకు స్ట్రాంగ్ కౌంటర్ ఇచ్చారు. దీంతో రెండు రాష్ట్రాల మధ్య ఉండే పాత ప్రాంతీయ అనుమానాలు మళ్లీ తెరపైకి వచ్చాయి. పవన్ కల్యాణ్ ప్లాన్ తెలంగాణ గడ్డపై ఎంతవరకు వర్కవుట్ అవుతుందనేది ఇప్పుడు ఆసక్తికరంగా మారింది. ఆంధ్రప్రదేశ్ లో డిప్యూటీ సీఎంగా ఉంటూనే పక్క రాష్ట్రంలో జనసేన క్యాడర్ ను బలోపేతం చేయడం అంత సులువు కాదు అని కవిత అన్నారు. అటు అమరావతి ప్రాజెక్ట్ పనులు ఎంత వేగంగా ముందుకు వెళ్తాయి అనే దానిపై కూడా కవిత అన్నారు. ఇలాంటి రాజకీయ టాంట్లు తెలుగు రాష్ట్రాల మధ్య అనవసరమైన పోటీని, పాత అనుమానాలని రెచ్చగొట్టేలా ఉన్నాయని సామాన్య ప్రజలు భావిస్తున్నారు. పవన్ కల్యాణ్ తెలంగాణలో నిజంగానే తన రాజకీయ బలాన్ని పెంచగలరా లేదా అనేది రాబోయే రోజుల్లో తేలనుంది. అమరావతి డెవలప్ మెంట్ మరియు తెలంగాణలో జనసేన వ్యూహాల ఫలితాలే ఈ ప్రశ్నలన్నింటికీ సమాధానాలు చెప్తాయని స్పష్టమవుతోంది. అంతవరకు ఈ ప్రాంతీయ విమర్శలు, రాజకీయ ప్రతివిమర్శలు కొనసాగుతూనే ఉంటాయని పొలిటికల్ సర్కిల్స్ లో వినపడుతోంది.