తిరుమల శ్రీవారి సేవలో టీమిండియా స్టార్ ఆల్‌రౌండర్ హార్దిక్

టీమిండియా స్టార్ ఆల్‌రౌండర్ హార్దిక్ పాండ్యా తిరుమల శ్రీ వెంకటేశ్వర స్వామివారిని దర్శించుకుని ప్రత్యేక పూజలు నిర్వహించారు. తన గర్ల్‌ఫ్రెండ్ మహిమా శర్మతో కలిసి తిరుమల విచ్చేసిన ఆయన సుప్రభాత సేవలో పాల్గొన్నారు. ఈ సందర్భంగా గుండుతో కూడిన సరికొత్త అవతారంలో కనిపించి అభిమానులను తీవ్రంగా ఆశ్చర్యపరిచారు. ఆలయ పూజారులు ఆయనకు వేద ఆశీర్వచనం అందించి తీర్థ ప్రసాదాలు అందజేశారు. ఇదిలా ఉండగా హార్దిక్ పాండ్యా ఈ కొత్త లుక్‌లో కనిపించడం వెనుక గల అసలు కారణం ఇంకా అధికారికంగా వెల్లడి కాలేదు. స్వామివారికి ఏమైనా ప్రత్యేక మొక్కుబడి ఉండి గుండు చేయించుకున్నారా అనే ప్రచారం జోరుగా సాగుతోంది. తిరుమలలో పీటీఐ విడుదల చేసిన వీడియోలు, ఫోటోలు చూసి అభిమానులు ఒక్కసారిగా షాక్‌కు గురయ్యారు. దీంతో ఆయన వ్యక్తిగత విషయాలతో పాటు ఐపీఎల్ 2027 లీగ్ భవిష్యత్తుపై పెద్ద ఎత్తున చర్చ మొదలైంది. రోహిత్ శర్మ స్థానంలో ముంబై ఇండియన్స్ కెప్టెన్‌గా బాధ్యతలు చేపట్టిన తర్వాత ఆ జట్టు వరుస వైఫల్యాలను ఎదుర్కొంది. గతంలో 2024 సీజన్‌లో పాయింట్ల పట్టికలో చివరి స్థానంలో నిలిచిన ముంబై, తర్వాతి సీజన్‌లో కూడా తీవ్రంగా నిరాశపరిచింది. ఫలితంగా 14 మ్యాచ్‌లలో 10 ఓటములు చవిచూసి ముంబై ఇండియన్స్ జట్టు 9వ స్థానంతో సరిపెట్టుకోవాల్సి వచ్చింది. ఈ నేపథ్యంలో రాబోయే ఐపీఎల్ 2027 మెగా వేలానికి ముందే హార్దిక్ ముంబై ఫ్రాంచైజీని వీడే అవకాశాలు ఉన్నాయని సమాచారం. చెన్నై సూపర్ కింగ్స్ ఫ్రాంచైజీ ఆయనను తీసుకునేందుకు ఆసక్తి చూపుతోందనే వార్తలు గట్టిగా వినబడుతున్నాయి. అదే సమయంలో ఢిల్లీ క్యాపిటల్స్, కోల్‌కతా నైట్ రైడర్స్, అయితే ఈ ట్రేడింగ్ లేదా ఒప్పందాలపై ఇప్పటివరకు ఎటువంటి అధికారిక ప్రకటన వెలువడలేదు. హార్దిక్ పాండ్యా ఫ్రాంచైజీ భవిష్యత్తుపై క్రికెట్ వర్గాల్లో తీవ్ర ఉత్కంఠ నెలకొంది. చివరగా తిరుమల పర్యటన, ఈ కొత్త లుక్ హార్దిక్ పాండ్యాను వార్తల్లో నిలిపాయి. ఒకవైపు ఆధ్యాత్మిక పర్యటన, మరోవైపు ఐపీఎల్ కెరీర్ మార్పులపై వస్తున్న వార్తలతో అభిమానులు ఆయన ముందడుగు ఎలా ఉండబోతుందోనని ఆసక్తిగా గమనిస్తున్నారు.