గ్రాఫిక్స్ నాణ్యత లోపంతో మరింత ఆలస్యమవుతున్న విశ్వంభర.!

మెగాస్టార్ చిరంజీవి నటిస్తున్న సోషియో ఫాంటసీ చిత్రం విశ్వంభర సినిమాకు ప్రస్తుతం కొత్త సమస్యలు వచ్చి పడ్డాయి. ఈ సినిమాకు సంబంధించిన విశ్వంభర విఎఫ్ఎక్స్ పనులు ఇంకా పూర్తి కాలేదని సమాచారం వస్తోంది. ఈ భారీ ప్రాజెక్ట్ గత 1.5 సంవత్సరాలుగా విజువల్ ఎఫెక్ట్స్ సమస్యలతో సతమతమవుతోంది. గ్రాఫిక్స్ పనులు ఇంకా సంతృప్తికర స్థాయికి రాకపోవడంతో సినిమా రిలీజ్ డేట్ మీద స్పష్టత లేకుండా పోయింది. ఇదిలా ఉండగా టాలీవుడ్ లో విశ్వంభర VFX పనులు ఆలస్యం కావడం ఇప్పుడు హాట్ టాపిక్ గా మారింది. కేవలం చిరంజీవి సినిమా మాత్రమే కాకుండా మరికొన్ని పాన్ ఇండియా సినిమాలు కూడా ఇవే గ్రాఫిక్స్ సమస్యలను ఎదుర్కొంటున్నాయి. నిఖిల్ నటిస్తున్న పాన్ ఇండియా పీరియాడిక్ చిత్రం స్వయంభు కూడా విజువల్ ఎఫెక్ట్స్ అవుట్‌పుట్ సంతృప్తికరంగా రాకపోవడంతో ఆలస్యం అయింది. దీంతో ఏప్రిల్ లో విడుదల కావాల్సిన ఈ సినిమా వాయిదా పడక తప్పలేదు. మరో సినిమా నాగబంధం కూడా గ్రాఫిక్స్ నాణ్యత కోసమే జూలై 3కి వాయిదా పడింది. ఈ నేపథ్యంలో అసలు ఈ విజువల్ ఎఫెక్ట్స్ సమస్యలు ఎందుకు వస్తున్నాయనే దానిపై చర్చ జరుగుతోంది. షూటింగ్ సమయంలో మేకర్స్ మరియు టీమ్ మధ్య కమ్యూనికేషన్ లోపం ప్రధాన కారణంగా కనిపిస్తోంది. ముందస్తు ప్లానింగ్ లేకపోవడం వల్ల విశ్వంభర VFX పనులు అనుకున్న సమయానికి పూర్తి కాలేదు. ఫలితంగా గ్రాఫిక్స్ నాణ్యత దెబ్బతినడంతో పాటు భారీ బడ్జెట్ సినిమాల విడుదల తేదీలు మారుతున్నాయి. పెద్ద సినిమాలకు ముందే పర్ఫెక్ట్ ప్లానింగ్ చేయాలని నిపుణులు సూచిస్తున్నారు.